Næstkomandi laugardag, 15. mars, kl. 13, verður útifundur á Ingólfstorgi. Friður.is

Fengið frá honum Hlyni Hallssyni

http://hlynurh.blog.is/blog/hlynurh/entry/474237/

Alþjóðleg mótmæli gegn stríðinu í Írak verða þann 15. mars

Næstkomandi laugardag, 15. mars, kl. 13, verður útifundur á Ingólfstorgi til að mótmæla stríðinu í Írak og krefjast friðar þar og um heim allan.

Þann 20. mars verða liðin fimm ár frá innrás Bandaríkjanna og bandamanna þeirra í Írak með stuðningi íslensku ríkisstjórnarinnar. Mótmælaaðgerðir verða víða um heim á laugardaginn og í næstu viku undir kjörorðinu „Allur heimurinn gegn stríðinu”!

Ávörp:
Hjalti Hugason prófessor
Steinunn Rögnvaldsdóttir nemi

Tónlistarflutningur:
Hörður Torfason

Tökum höndum saman við almenning um allan heim.
Mótmælum stríðinu! 
Krefjumst friðar!
Stríðinu verður að linna!

Látið þetta berast. Segið vinum, vinnufélögum, nágrönnum.
Fjölmennum!

Nánari upplýsingar á Friðarvefnum, www.fridur.is. Fylgist með honum.

Í dag, 13. mars, munu SHA afhenda utanríkisráðherra og utanríkisnefnd tillögur um leiðir til að benda endi á hernámið og stríðið Írak. Þessar tillögur verða birtar innan skamms á Friðarvefnum.

Laugardaginn 15. mars, kl. 14.00, verða svo kaffiveitingar á Múltikúlti, Ingólfsstræti 8. Tilefnið er að 5 ár eru liðin frá innrásinni í Írak og hvetjum við alla til að mæta fyrst, kl. 13.00 og taka þátt í útifundi af því tilefni.

Athugasemdir

[Þóra Lisebeth Gestsdóttir, 16.3.2008 kl. 03:37]

Svona fyrir forvitnis sakir, og fólk eins og mig sem er langt í burtu svo erfitt er stundum ad fylgjast med... hvernig var mætingin á útifundinn?  vona ad sem flestir hafi mætt :)

kv. Næturuglan